पाझर मातृत्वाचा 1

 

 

वाचन साखळी समूह महाराष्ट्र राज्य📚✒️

पुस्तक परिचय क्रमांक📗-1          *पुस्तकाचे नाव*

               *पाझर मातृत्वाचा*            

  *संपादक* 

 *श्री-गणेश सिंधुबाई भगवान तांबे*                                                     

*परिचय कर्ता*- *सौ.अंजली शशिकांत गोडसे*

*मर्ढे सातारा*

🍂🍃🍂🍃🍂🍃     

   *संपलं माझं जीवन जरी* 

 *तुझे ऋण फिटत नाहीत*

 *तुझ्याशिवाय लेकराला* 

 *क्षण कोणतेच आठवत नाहीत*

       खरोखरच आपल्याला जन्म देणारी आई जिथून आपलं जीवन सुरू होतं आणि जिथं आपलं जीवन संपून जातं ती काळी माती दोन्ही आपल्या जिवलग आणि जीवन देणार्‍या! जन्म देणारी आई दुध पाजते तर ही धरणी माय आपल्याला खाऊ पिऊ घालते. भरभरून दान आपल्या पदरात टाकते.

       बरेच दिवस झालं या पुस्तकाविषयी लिहायचं होतं पण आई विषयी लिहिण्यासाठी आपण एवढे मोठे नक्कीच झालो नाही .माझ आई विषयी वाटणारे प्रेम माझ्या प्रत्येक शब्दातून पाझरत जाईल हे नक्की! आई ज्यांनी अनुभवली त्यांना ती कळली ज्यांना आई लाभली नाही त्यांनी ती आई इतरत्र शोधली पण त्यांना हे दोन्ही मिळालं नाही त्यांनी स्वतः आईपण अनुभवावं आणि इतरांना त्याचा अनुभव द्यावा .

           आईच्या उत्कट प्रेमातूनच साकारलेलं *आई प्रतिष्ठान* वाठार निंबाळकर आणि याच प्रतिष्ठानच्या उपक्रमातून जन्माला घातली गेली पुस्तकरूपी आई 📗🙏 मनाच्या गाभाऱ्यात खोलवर रुतून बसली .जेव्हा जेव्हा सत्कार्य घडतं तेव्हा तेव्हा ती आत्म प्रेरणा देऊन बळ देत राहते.पाझर मातृत्वाचा नावही किती समर्पक! प्रत्येक शब्दा शब्दांमधून हरवलेली आई भेटत राहते आणि तिच्यासोबतचे क्षण डोळ्यांवाटे एक एक करत आठवणींच्या वाटेवरून वाहत जातात .आई जरी सोबत नसली तरी हि पुस्तकाई सदैव सोबत राहते .

         प्रत्येकाच्या मनाला भावलेली आई शब्दातून व्यक्त झाली आणि पुस्तकात सामावली .आई हा शब्द विषय एवढा अथांग आणि अफाट आहे की ती कशातच सामावू शकत नाही ज्यांना आपल्या आईविषयी काहीतरी वाटतं त्यांनी ही *पुस्तकाई* वाचलीच पाहिजे. पुस्तकाच्या पहिल्या पानापासून शेवटच्या पानापर्यंत आईच्या प्रेमाचा ओलावा ठासून भरलेला आहे. कुणी आईला शब्दरूप गुंफलं ,कोणी काव्यरूपी ,कोणी चित्ररूपी ,कोणी कर्तव्यरुपी आणि जन्माला आली पाझर मातृत्वाचा घेऊन या *गणेशाची आई* ! हो मी या पुस्तकाला गणेशाची आई म्हणेन !आईला आपणं वात्सल्य सिंधू म्हणतो . या नावासारखचं या पुस्तकाचे संपादक आदरणीय श्री. गणेशजी तांबे यांच्या आईचं नावही *सिंधूबाईंच* ! याचं कुशीतून गणेशजी सारखा हिरा जन्माला आला आणि आईचे ऋण व्यक्त करण्यासाठी आई प्रतिष्ठानची स्थापना केली. पुस्तक जर पाहिलं तर उत्तरार्धात आई प्रतिष्ठानच्या कर्तव्यपारायणाचा लेखाजोखा माहितीस्तव सादर केलेला आहे . पुस्तकाचा *सुवर्णयोग* बघा यामध्ये पहिलीतल्या चिमुरड्या मुलांपासून  ते अबाल  वृद्धांपर्यंत  आणि विषयीचे  प्रेम रुपी शब्द  अवतरले आहेत  या पुस्तकाचे प्रकाशन  तेही  आई प्रकाशनचे ! पुस्तकाची *प्रथम आवृत्ती* आपल्या सर्वांची  ज्ञानमाऊली क्रांतीज्योती सावित्रीबाई फुले यांच्या जयंती दिवशी तर *प्रकाशन सोहळा* आपल्या लाडक्या आऊसाहेब ज्यांनी छत्रपती शिवरायांना घडवून आपल्या राज्यातील लेकरांची होणारी आबाळ बंद करून हिंदवी स्वराज्य निर्माण केले त्या राजमाता जिजाऊ साहेबांच्या जयंती दिवशी ! अर्पणपत्रिका ही सिंधुबाई  आणि विश्वातील  तमाम आईंच्या चरणी समर्पित 🙏🌹संपूर्ण पुस्तकचं आईपणाणं भारलेलं आणि ह्रदयात साठवलेलं .म्हणजेच या गणेशाच्या आईच्या रूपात तुम्हाला तुमची आई नक्की भेटेल . सर्वांनी अवश्य वाचावे असे हे पुस्तक .📗🌹🌹

 *आई कुणा भेटेल* 

 *सांगता येत नाही* 

 *पाझर तिच्या मातृत्वाचा* 

 *अविरत वाहत राही .*                     

पुस्तकाचे नाव-पाझर मातृत्वाचा

पृष्ठसंख्या -१२६

 पुस्तकाची किंमत -*१२५ रुपये

आई प्रतिष्ठानच्या कार्याचे फोटो पाहण्यासाठी व अधिक माहितीसाठी माझ्या ब्लॉगला अवश्य भेट द्या .    

    

https://anjaligodase31.blogspot.com/2021/06/blog-post.html

                          ✍️

*शब्दांकन*-

 *सौ.अंजली शशिकांत गोडसे* 

 *मर्ढे सातारा.*